Ikus-entzunezko errealizazio ikasketak egin zituen Andoaingo Zine eta Bideo eskolan. Gerora, Zuzendaritza Zinematografikoa ikasi zuen Berlinen. Hainbat laburmetrai eta dokumental egin ditu, baita Camera Obscura luzemetraia ere. Nabarmentzeko beste lan batzuk: Dortoka Uhartea (laburmetraia), Passage to Dawn (dokumentala) eta Sabur, un viaje a Gorazde (dokumentala).

Ama izan zenean, Hazi-Hezi zentroko taldeetan parte hartu zuen. Egun, (H)emen Her(e) eta CIMA elkarteetako kidea da.

Eibarren egoitza duen "Lumiere Produkzioak"-en sortzailea. Produktorea da 1986az geroztik: 30 luzemetrai eta 40 laburmetrai zuzendu ditu, nazioartean hainbat sari jaso dituztenak. Nabarmentzeko dokumentalak: El Cielo gira (Mercedes Álvarez), Los Caminos de la Memoria (José Luis Peñafuerte). Luzemetraiak: Justino, Un Asesino de la Tercera Edad (La Cuadrilla), Asfalto (Daniel Calparsoro), 25 grados en Invierno (Stéphane Vuillet), El Coche de Pedales (Ramón Barea)... Gainera, Madrileko FICI jaialdiko zuzendaria izan da hamar urtez.